وانتظرو المزيييييييييد
issamelbondoqi- Admin
- عدد المساهمات : 61
نقاط : 178
تاريخ التسجيل : 01/04/2012
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
-----------------------------------------------
مرة واحد بلديات بيقول لواحد تاني و هو بيجري عليه بسرعة:الحق اخوك عواد غرقان في دمه
آم اخينا ده قاله ماتخافش ما هو بيعرف يعوم
-----------------------------------------------
مرة واحد صعيدي ماشي في الشارع ومعاه شوية مسامير فوقع منه واحد قعد يندهله و يقوله تعالى و مفيش فايده آخر ما زهق رما بقية المسامير و قالهم هاتوه
-----------------------------------------------
مرة ثلاتة بلدياتنا راحوا يسرقوا بنك ..... واحد دخل يسرق و التانى وقف يراقب و التالت راح يبلغ البوليس
-----------------------------------------------
مجموعة صعايدة عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل غطا ممر التهوية
بعد كده نخش كلنا من فتحة التهوية و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخطة فشلت
-----------------------------------------------
في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه
رد عليه عايز انتحر
قال طيب ماتطلع اي عماره وتنط
قال ياسلاااام عايزني امووت
-----------------------------------------------
ثلاثة حكموا عليهم بالإعدام معاهم واحد صعيدي
قالوا للأول عايز المنشار الكهربائي أو شنق؟؟
قال: المنشار الكهربائي - جابوه عند المنشار الكهربائي مشتغلش
قالوا : حظك روح وسابوه
جابوا الثاني قالوا : المنشار الكهربائي أو الشنق؟؟
قال : المنشار الكهربائي - جابوه عند المنشار الكهربائي برضو مشتغلش
قالوا : حظلك روح وسابوه
جابوا الصعيدي قالوا : المنشار الكهربائي أو الشنق؟؟
قال : شنق والناس وأقربائه يزعقوا : المنشار ، المنشار ، المنشار
قالهم: بايظ مايشتغلش
------------------------------------------------
مره واحد ماشى على البحر لقى جماعة صعايده بيهتفوا ،هريدى يابطل - هريدى يا بطل
ولما سأل عن السبب قالوا: أحسن واحد عندكم يقدر يغطس جد ايه؟؟
فقالهم: حوالى ثلاث دقائق
فقالوا هريدى غطس من ثلاث أيام و لسه مطلعش
------------------------------------------------
واحد صعيدي مكلف بتفجير نفسه بين الاسرائيليين راح عمل بروفة بين أهله قبلها بيوم
------------------------------------------------
واحد صعيدي راكب تاكسي قام السواق خابط راجل ماشي
الراجل من الخضة خاف ينزل و قال لبلديتنا ينزل يشوف الاجل مات ولا لسة
نزل بلديتنا وقعد يقول للسواق : تعالي - تعالي - تعالي .. بس خلاص كده مات
------------------------------------------------
مسطوووووول يروي قصة لابنته كي تنام
فقال لها:
مره تيس شاف عصفور فقال الاسد هاتوا لي الارنب
فوقعت البقرة من فوق العمارة و لقت الام ولدها فرجع
الشرطي من القسم و طلقها حبيبها و قال انتي طالق
طالق طالق طالع وجهك انت من حلاوة وشك فعمل حادث
و اصابه شلل فغرق بالبحر و نامت السمسومة بين الصخر
وقال النسر لازم نتعاون و صادو الحوت و خلص البصل و قال
لها انا احبك و يوم سافر للدراسه ضاع دفتر الدرجات و قالت
الزوجة انا بروح بيت اهلي و نام الفيل و سبحنا في نهر النيل
و بعدين يوم قال بسبس يومها عرفت لية الكلب يقول ميو ميو
واحد قال لأبنه نابليون وهو أدك كان أول واحد في الفصل
رد الواد على والده نابليون وهو أدك يا بابا كان إمبراطور
مرة واحد سافر الكويت لقى الاسامى بوحمد و بو فهد و بو
محمد و بو فيراس راح سمى نفسه بوكيمون
مره واحد كان بتفرج على الدش كل ميقلب القناه يلقى حيوانات فقال لمرته شيلى الدش من على الزريبه
مرة راجل بخيل كان فى شوبنج هو وابنة الولد بيقول ابوه بابا انا بحب الشيكولاتة قال له حبها وسيبها مكانها تانى يا حبيبى
ماهو اعراب الصرصور؟ مرفوع بالجدار مضروب بالنعال
مره اتنين اعدين يحششوا طينه واحد قال للتانى تصدق انا شيفك تلاته والتانى قالو وانا شيفك اربعه واختلافوا مين شايف التانى قالو احنا نروح لكبير المحششين وراحو للكبير وقالولوكذاكذا قال لهم كل الناس دى علشان المشكله البسيطه دى
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
كلب شوارع مر من جنب مخفر شرطة شاف كلب بوليسي
قال آخ لو كملت تعليمي
مرة واحدة ست بتقول لجارتها الحقيني يا أم محمد بعت
جوزي يجيبلي ملوخية راح مخبوط بأتوبيس ... يالهوي
وعملتي إية .. عملت بامية وامري لله
واحد زرع ورده........... طلعتله ام كلثوم.
مرة واحد راح يوكل محامى....... لقاه صايم.
واحدة إتجوزت من ورا أبوها لف شافها
واحد رمى يمين الطلاق على مراته ماجاش فيها.
واحد مسطول اتجوز على مراته طلعت هي
كسلان دخل الامتحان وقع منه القلم ........سلم الورقة.
مرة واحد باع اللى وراه والى قدامه وا شترى اللى جنبه.
بقرة جالها جفاف نزلت لبن بودرة
ليه الخشب يتيم؟.......لأ نه مقطوع من شجرة.
مرة 5 دخلوا كلية الهندسة اثنين طلعوا مهندسين وثلاثة مدينة نصر.
لية الصعيدي الصغير أذكي من الصعيدي الكبير؟...... لأنة مابقالوش كتير صعيدي.
واحد بلديتنا كبر دماغه معرفش يخرج من التيشرت.
عربية كحيانة صاحبها سابها قدام بيت مهجور...ليه؟؟ ! عاوزها تبقى عربية شبح.
مره واحد عداه العيب اخد الي بعده.
واحد خلقه ضاق إداه لأخوه الصغير.
دبانة وقعت فى ازازة وسكى طلعت تقول إوعى النسر.
واحد مشغول اتجوز واحدة مشغولة خلفوا ولد مش فاضلهم.
مرة مدرس رياضيات خلف ولدين و استنتج التالت.
واحدة اتجوزت واحد شخصيته مهزوزة . ركبت له أريل.
همبورجر وبيبسى و بطاطس بيجروا فى الشارع ...فتكر لية؟........ عشان وجبات سريعة.
واحده بلدياتنا قالت لجوزها قولى كلمه حلوه ، قال لها
بسبوسه
قالت له يا اخى قولى كلمه تهزنى ، قال لها مرجيحه
قالت له قولى كلمه احس فيها انى مراتك
قال لها انتى طالق
مرة دكتور اسنان اشترى عود قصب لقاه مسوس حشاه.
مرة دكتور أطفال اتزوج دكتورة أطفال نشره زواجهم في مجلة ميكي
مره واحد ابنه طلع من الأوائل .......... شفروه !
ثلاثة مساطيل قاعدين في سهرة
الأول : أنا عندي فلوس أشتري بيها أمريكا الشمالية
الثاني : وأنا عندي فلوس أشتري بيها أمريكا الشمالية و الجنوبية
الثالث : و مين قالكم إني رح أبيع
القمر قال للشمس تتجوزيني قالت له لأ ماتجوزش واحد صايع طول الليل
خبير ارصاد جويه ... اتجوز وخلف بنتين الكبري 27 والصغري 13
بلديتنا كان معاه ربع جنيه..
ففكر يعمل بيه إيه..
يشرب عصير قصب و لا يركب الأتوبيس فقال :
أنا لو ركبت الأتوبيس هيبقي في حل من إثنين:
يإما هقف أو هقعد
لو وقفت مش هيبقي في أي مشكلة
لكن لو قعدت هيبقي في حل من إثنين:
يإما هيقعد جنبي راجل أو تقعد جمبي ست
أنا لوقعدت بجانب راجل مفيش مشكلة
لكن لو قعدت بجانب ست هيبقي فيحل من إثنين:
لإما هنعجب ببعض يإما مش هنعجب ببعض
لو مأعجبناش ببعض مفيش مشكلة
لكن لو أعجبنا ببعض هيبقي في حل من إثنين:
يإما هنتجوز يأما مش هنتجوز
لو مإتجوزناش مفيش مشكلة
لكن لو إتجوزنا هيبقي في حل من إثنين:
يإما هنخلف يأما مش هنخلف
لو مخلفناش مفيش مشكلة
لكن لو خلفنا هيبقي في حل من إثنين :
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد هيبقي في حل من إثنين:
يإما هيستقيم أو هينحرف
لو إستقام مفيش مشكلة
لكن لو إنحرف هيبقي في حل من إثنين:
يإما يدمن أو مش هيدمن
لو مأدمنش مفيش مشكلة
لكن لو أدمن هيبقي في حل من إثنين:
يإما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين:
يإما هيسرقني أو هيقتلني
لو سرقني مفيش مشكلة لكن لو قتلني ..
... يقتلني ؟؟!!!!!!!!!
لا ياعم أنا أشرب عصير قصب أحسن
[i]
مُشاطرة هذه المقالة على: 
مواضيع مماثلة
لا يوجد حالياً أي تعليق